貓咪都會感冒架！而且當低抗力一下降，特別係轉季既時侯好容易就會有成日聽到既
「Cat Flu」，姐係俗稱為「貓傷風」既皰疹病毒（Herpesvirus）然後出現類似人類傷風既症狀，千其唔好以為好小事啊，最嚴重既可以引起肺炎並危害生命架😣！
會出現既 5 種徵兆💁🏼♀️
1.鼻頭乾燥發熱：
正常狀況下貓咪鼻頭通常係濕潤冰涼，如果家姐發現貓咪鼻頭然變得乾燥而且發熱，又有食慾及活動量減低既問題，最好就即刻帶去診所測量體溫。
2.第三眼瞼外露：
當出現發燒、身體嚴重不適時，就會露出第三眼瞼。所謂既第三眼瞼，就係輕輕扯開貓咪眼皮時，會發現眼球上附著一層紅紅既薄膜，當貓生病既時候就會露出黎，係一項相當明顯既生病特徵。
3.眼鼻分泌物：
如果貓咪眼鼻分泌物突然增多，有咖啡色眼垢加上鼻塞、流鼻涕、食慾不振等等，就可能係上呼吸道感染所致。當貓咪流鼻水，甚至鼻涕變成至黃稠色、咳嗽、體溫升高，不及時治療係有機會導致支氣管發炎問題架。
4.不正常喘息、呼吸急促：
如果貓咪有呼吸急促、不停喘息問題，絕對唔好輕易忽視，要多細心觀察並錄影，記低呼吸狀況，要立即帶去獸醫檢查將詳細病症俾醫生睇！
5.食慾減退、眼睛流淚發紅：
貓咪食慾減退都係一項明顯既生病癥兆，當然唔排除本身貓咪就食好少野，依項就靠家長對主子有幾瞭解啦，當你發現貓咪比平時既食慾狀態唔尋常就要好好注意，另外眼睛會流淚發紅常常抓眼鼻部位，令第三眼瞼更加紅腫。
平時多留意以下5點，以防貓咪感冒💁🏼♀️
1. 給予均衡飲食
提供營養均衡既食物係維持健康既必要條件之一，有需要既亦可以請教獸醫或者專業人士，定期補充適量維他命C及營養素（像是離胺酸、牛磺酸），以增加抵抗力。
2. 室內保持通風透氣
在家可以打開平時會使用既窗戶（係已經安裝咗窗網既窗戶啊🙆🏼♀️），維持室內通風乾爽，能有效減少細菌滋生架。
3. 多注意季節變化
早晚天氣變化大時，建議可以仫貓咪常待著既地方，多放保暖用品，幫貓咪做好準備。
4. 確保貓咪適度活動
陪伴貓咪互動遊戲、有適量既運動量，促進血液循環，維持健康。
5. 做好環境清潔
定期既居家清潔，維持健康既住家環境以及保持貓咪食用水、碗既衛生，每晚都要記得洗乾淨器皿，都可以相對減少一些感染發生源唷！
就算身為貓奴既家長們（包括小編都係🤦🏼♀️），平日既預防或照護已經盡全力執行，但係主子都係感冒咁點算，係咪做得未夠好？請大家唔洗過度自責同擔心，雖然貓咪感冒係有一定程度既致死率，但係就好似人咁一樣係會有小病小痛，天氣轉變都係會感冒，只要好好注意身體狀況以及按時用藥，大部分既貓咪經過一段治療時間過後，又變翻活蹦亂跳既主子架啦🙆🏼♀️只要記住，保持食慾及水分攝取、隨時注意保暖、服完用藥整個週期、同記住！記住！記住！完全康復前一定要戴好頭罩啊💁🏼♀️