記得飲水啊！！水對毛孩同樣重要，足夠既攝水量可以避免泌尿系統疾病而發生率係會隨年紀遂漸增高架，人就一日六至八杯水啦，咁究竟貓狗們一日要飲幾多水先叫做夠同點分辨毛孩有冇缺水呢？🤔🤔
------ 點判斷有冇脫水？由皮膚同口腔觀察 ------
1. 皮膚回彈速度
輕捏毛孩後背（後頸位置），慢慢地向上拉起後放開，觀察皮膚回彈既速度。如果體內水分充足，皮膚會迅速回復原狀；皮膚回彈速度慢，就代表有脫水傾向啦，如果冇回彈（皮膚呈“帳篷”形狀）則代表嚴重脫水，需要即時送醫！
2. 牙齦顏色與乾燥程度
一般牙齦同口腔黏膜呈現粉紅水潤狀態，當顏色灰暗、觸摸感覺乾燥帶有黏性既，代表體內缺乏水分。可以按壓牙齦，正常狀態下，按壓後牙齦會從白色迅速變回粉紅色，如果缺水，就需要更長時間先可以回復正常顏色。
------ 尿液顏色，輕鬆判別 ------
毛孩同人唔同，唔係尿液越透越好架
- 淡黃色：正常顏色，代表狗狗飲水量係足夠既，要繼續保持啊！
- 深黃色： 開始有攝取水量不足既問題，要特別留意毛孩飲水量啦。
- 棕色、濃茶色，甚至是血尿：這類顏色常見於與溶血性問題或泌尿系統感染，結石、肝病有關，請注意尿中是否有結晶或不明懸浮物，並且立刻帶毛孩到獸醫度檢查!
- 透明尿：要小心尿崩症或是其它多尿問題，請立即帶毛孩就醫檢查！
------ 毛孩們每日應該要喝多少水量呢？ ------
咁其實毛孩們每日應該攝取幾多水分先叫足夠呢？好簡單，係有數可計既🙆🏼♀️
貓貓：體重（kg）x 60 ml/日
狗狗：體重（kg）x 70 ml/日
依毛孩既體質及活動量等因素做調整，食物中的水分亦包含在內，例如眾所皆知貓貓對水並冇太大的慾望，家長們可以係濕糧入面視乎主子接受程度多加水。
記住飲多d水啊，令泌尿系統更健康！但都有例外情況，有d毛孩平時唔會主動飲水但突然不斷飲水及係附近徘徊，都係一d唔好既先兆。另外，平時狗狗要避免過度憋尿，貓咪則要注意貓砂、貓砂盆既選擇及擺放位置、數量等，多貓家庭就更加要注意啦。如果發現毛孩排尿既頻率、尿量、尿液顏色有改變，就應該盡快就診。