愛貓既人都知道，貓咪既聰明又獨特兼難以捉摸既性格，如果我地唔了解佢地既天性，我地既行為或者環境影響下會令佢地不安甚至乎係討厭，大家要注意。今日要同大家分享既係：貓咪最討厭既10件事！經常做依D野，會令貓主子討厭你喔~
#1 大聲吵雜及高頻既聲音
貓咪因為聽覺非常敏感，通常唔太喜歡過嘈吵既環境，而且特別討厭高頻聲音，例如吹風機、吸塵機、電話鈴聲、警笛嘅聲音等等。依D聲音會令貓咪焦躁不安，全身都處於戒備嘅狀態，有機會做出具有攻擊性嘅動作架💁🏻尤其係喜靜、年長既貓咪，就更甚喔～
除咗高頻，巨大嘅聲音，例如炮仗、雷聲等，貓咪都會害怕，佢地會匿埋角落啦、餐桌下面蜷縮成一團啦～～依D時候，貓咪就會炸毛，發出低沉嘅叫聲。鏟屎官友善嘅態度和細心嘅照顧，都係放鬆貓咪情緒嘅好方法。
#2 刺鼻既氣味
柑橘類：包括橙，檸檬，柚子等等，對於貓咪黎講，柑橘類散發出嘅酸味非常刺鼻，尤其係橘子果皮一類，而且貓咪係唔食得架！千其唔好貪得意俾主子食啊💁🏻
香水：當我哋噴洒香水時，呢 d 香味會遮蓋咗我哋本身嘅味道，會令貓咪冇安全感。仲有大家選擇護手霜嘅時候唔好選擇香味過於刺激嘅味道，貓咪會非常唔喜歡甚至唔願意親近你。
樟腦丸：樟腦丸強烈嘅氣味雖然可以驅蟲，但係樟腦嘅成分係對貓咪有毒架，可能會引發貓咪急性樟腦油中毒。另外，薄荷膏，白花油等產品都含有樟腦嘅成分架。
醋：貓咪連柑橘類水果中嘅酸味都不能接受，更何況係醋味，而且貓咪嘅嗅覺比人類敏感好多，所以呢 d 刺激性氣味當然會再被放大啦。
冇清理嘅貓砂盆：貓咪係會嫌棄自己嘅糞便架。貓咪對於自身同周圍環境嘅衛生情況要求非常之高，有d貓咪甚至會因為貓砂盆太污糟而不埋便便，或者直接唔入去貓砂盆便便，作為一個合格稱職嘅鏟屎官，每日清理主子貓砂盆係一件必須做嘅事情。
辛辣味：如洋蔥，大蒜等刺激性氣味貓咪都係非常之討厭，而且絶對唔可以加入貓咪嘅食物入面架。
汽油味：如果自駕帶貓咪外出，最好之前入定好油，避免途中去油站。
#3 唔鐘意整濕身體
大部分貓咪都討厭整濕身上嘅毛髮。因為乾燥嘅貓毛可以幫助佢哋保持體溫。一般而言，生活在較為寒冷地區嘅貓（毛髮厚而濃密），比起嗰 d 生活喺炎熱地區嘅貓（毛髮薄而稀疏）更討厭水，但並唔係所有貓咪都係咁既，個體差異🤣
#4 討厭坐車
貓咪同狗狗唔同，貓咪係討厭坐車，如果要長時間乘坐汽車，貓咪既身體調節能力就會隨之下降，平衡能力超強嘅主子都會暈車甚至會嘔吐，最好先放入貓籠/袋裏面然後才放上車，會更容易適應及安心，所以如果要帶貓咪出遠門就要三思了。
#5 被人硬抱
貓咪唔鐘意人硬抱同太熱情會嚇怕主子架，多數熱情既朋友一見到貓咪就被主子既可愛迷住，想抱下攬下貓咪，但係抱抱對某些貓咪黎講係種束縛，佢地唔鐘意經常被抱住嘅感覺架。
第六點同第七點都係關於貓咪既身體，大部分鏟屎官都知道，貓咪係非常極之討厭被剪指甲同摸肚肚。指甲係佢地嘅武器，當你剪佢地賴以生存嘅武器，邊個會唔討厭呢？但係！指甲係必須剪嘅，最多事後開翻罐罐啦🙆🏻♀️而唔鐘意被摸肚仔則係貓咪下意識既自我保護，當主子足夠信任你既時候，肚仔就可以稍微隨摸一摸啦 。
#8 討厭變質/唔新鮮既食物
邊個都唔會鐘意食變質既食物，而且唔建議放長糧，貓咪對食物有要求，一定要新鮮，如果一次過俾太多食物佢又食唔曬，擺得耐咗唔新鮮佢就唔會想再食，貓奴係夏天既時候要更加幫貓咪注意啦。
#9 閃光燈
貓咪既視力其實並唔係真係太好，所以經常睇唔到一D離得比較遠既東西，而貓咪唔會識得避閃光燈，閃光燈既光會對主子造成影響。
#10 討厭你唔理佢
正確D黎講係討厭當佢要你關注既時候唔回應佢🤣貓咪其實都會嗲，當佢需要你服待既時侯你忽視佢，佢得唔到回應就會唔開心架啦💁🏼