Search
  • sales61246

疾病小知識 寵物隱影殺手一心臟病篇(下)

上一個禮拜同大家介紹咗心臟病有咩先兆、種類同各高風險族群,好不幸地心臟病一旦發生,就係一個不可逆既變化過程,但係!家長可以透過各種方式盡可能延緩心臟惡化既速度,只要努力確保毛孩既生活品質,互相陪伴既時間再可以長D🙆🏼‍♀️今日就分享一下日常照顧指南及營養需要啦💁🏻‍♀️

Step 1. 均衡飲食好重要。

一般黎講,會建議食用經過AAFCO(美國飼料品管協會)認證既飼料,如果家長們想自製鮮食必需先諮詢獸醫意見同取得各項檢查數據,最好真係去搵專門寵物營養師,至少能確保營養均衡,唔會缺乏必要既營養成分。而以處方飼料黎講,建議心臟病程度到 stage C,並且係獸醫指示下先食用。


!注意!食心臟處方糧係唔可以預防心臟病既,處方糧等同於藥物,用錯地方、時間就係毒。心臟處方飼料相比於一般飼料鹽分低好多,如果太早開始使用,體內鹽分太低反而會激化想要多將水份留係體內既神經賀爾蒙反應,繼而造成心臟更大負擔。


Step 2.正常飲水!

心臟病有機會導致肺積水,因此通常會使用利尿劑排除體內多餘水分。如果狗狗係需要使用利尿劑時,更應該要攝取足夠水分,千萬唔好因為擔心肺積水而限制給予水份,唔夠水"份會容易造成脫水狀況,反而令電解質不平衡或腎臟衰竭。


Step 3.避免高溫曝曬。

狗狗主要靠舌頭散熱,調節體溫時既換氣過程中需要花好多力氣吸氧氣,對於心臟病既狗狗黎講係相當大既負擔,為咗狗狗保持一定體溫,建議家長們可以💁🏼

  1. 避免天氣炎熱時段外出散步。

  2. 保持狗狗身處四周溫度涼爽。(對於人類來說有少少涼既溫度,狗狗反而會覺得舒服


Step 4.禁止激烈運動及情緒過大起伏。

當出現心雜音,但仲未發現心臟衰竭既狀況下,維持適度既運動對狗狗都係有好處架🙆🏻‍♀️只要避免於炎熱既天氣下出門,以及避免劇烈運動即可。但對於二尖瓣逆流嚴重或開始出現心衰竭既狗狗,就需要限制運動狀況,絕對要避免衝、跑、跳等行為。


而且維持狗狗情緒穩定,避免有激烈既情緒波動,造成心臟快速跳動。係某D狀況下,心臟病既狗狗因為突如其來既驚嚇,造成心臟快速跳動,瓣膜持續被拉扯而斷裂,稱為「急性腱索斷裂」,造成血液大量逆流到肺部,引發肺水腫,嚴重可能導致死亡。


Step 5.記錄休息時的呼吸次數與心跳次數。

  1. 心跳次數:分為休息心跳與睡著心跳,觀察胸腔起伏計算。

  2. 呼吸次數:手摸計算或是使用聽診器。正常休息狀態下每分鐘應介於15-30下。

對於部分狗狗黎講,定期追蹤指數係相當緊迫既事,對於心臟有狀況既狗狗就更甚。如無法定期到診所就會降低追蹤頻率,所以請家長務必監察啊。


營養需要🙆🏻‍♀️


1.EPA&DHA

Omega 3不飽和脂肪酸EPA及DHA一般認為可協助抗血栓、降血脂、減少心律不整 、維持血管內皮完整性與減低上述炎症因子,對心肌纖維化病變既影響。有心衰竭(Congestive Heart Failure, CHF)既毛孩每日每公斤體重可補充30 mg EPA 與20 mg DHA 亦可以配搭維他命E(Vit E)服用。保健食品,按需要及建議食用,多食無益架🙆🏻‍♀️


2.牛磺酸(L-Taurine)


狗狗會透過攝取肉、骨、內臓,自行製造牛磺酸,但如果係貓咪,牛磺酸為必需胺基酸,只要有擴張型心肌病變(DCM)就可以補充牛磺酸而無害。目前的貓飼料大多添加此胺基酸,罹患擴張型心肌病變貓咪已明顯減少。有D罹患擴張型心肌病變(DCM)的狗狗,如Cocker、紐芬蘭犬、黃金獵犬等品種,血液中既牛磺酸含量偏低,適當添加於食物中可有益於心肌收縮、心臟跳動節律,同心肌結構既完整性。另有研究顯示適量既牛磺酸對犬、貓視網膜、肝膽系統、神經系統、肌肉系統,甚至繁殖功能都有好處。狗狗可每日2次,每次250-500 mg;貓咪則每日2次,每次125-250 mg


3.肉鹼(L-Carnitine)


若缺乏左旋肉鹼(L-Carnitine),可能會出現擴張型心肌病變(DCM)。但並唔算必須補充之營養品,最多每日三次,每公斤體重50-100 mg。而貓咪常見的肥厚型心肌病變(HCM)患者,因為左旋肉鹼與心肌細胞內既脂肪酸代謝轉換成能量有關,可以好似人咁,額外補充肉鹼加上短鏈脂肪酸可能有機會減緩臨床症狀,但目前仲未有科學論文證實。


4.維他命B群 與 精胺酸(L-Arginine)


適度補充B群對於食慾不振既毛孩會有幫助。而胺基酸精胺酸(L-Arginine),係一氧化氮(NO)既前驅物質,近年來既研究認為與血管既內皮細胞,即係與血管舒張能力,亦係與血壓有關。係貓咪黎講,屬於無法自行合成既必需胺基酸,亦再次說明貓咪即使年齡大咗都不能太過剝奪蛋白質攝取。


提醒所有家長,罹患心臟病犬貓既營養需求都有個別差異。既然係健康“食品”,就代表唔係每位患病動物都必須補充,亦不能取代正規監控或治療,營養配方亦絕對不相同,使用任何營養補充品之前,建議先與獸醫討論!切記,保健食品最多只選擇需要的1~2種服用,多食無益啊,各位家長請加油Better life Better Dog & Cat❤️























334 views0 comments

Over $300

Free Delivery