Search
  • sales61246

主子入屋,點裝一個稱得上好且合格既窗網🤔?

貓貓們🐈天性都好奇心重,彈跳力高而且有D貓貓性格屬於容易受到驚嚇反應比較大,見到窗外有任何風吹草動都有機會令主子有跳窗風險😱。 今日同大家講下裝貓網注意事項🙆🏼‍♀️



係安裝窗網之前,需要會考慮到以下四個因素💁🏻‍♀️

  • 覆蓋度:係咪所有必要既窗戶都已經裝有安全措施?🤔

  • 堅硬度:窗網會唔會屈曲或者伸縮?🤔

  • 堅固度:窗網會唔會鬆脫或掉下?🤔

  • 空隙:貓貓能否從空隙中穿過?🤔


覆蓋度 💁🏻‍♀️


我地有時會理所當然地以為可以將部分房間設為貓貓禁區🚫,但貓貓非常擅長不動聲色咁潛入房間或者遊走屋企各處,日常常用到既窗戶包括浴室、廚房以及所有睡房都需要裝上窗網,而且能夠完整覆蓋整個窗戶,反之十年都唔會開一次既,只要保持關閉,則無須安裝窗網🙆🏼‍♀️


堅硬度💁🏻‍♀️


一定要足夠堅硬。任何以布料做成既窗網都唔接受亦唔係合格既窗網🙅🏻‍♀️,因為主子最終會拎黎練抓;而使用任何柔軟或者有彈性的物料,例如膠網或者燒烤鐵網都唔合格。貓貓比你想像中更有力氣,亦比你想像中更有堅持🤣,如果主子認為有除窗網既機會,佢地會一直繼續嘗試,直到達到目的🤦🏻‍♀️。



堅固度💁🏻‍♀️

窗網一定要牢固!!確保唔會隨時間變弱。可以使用索帶,記得確保窗網安裝得越靠近窗邊越好,若然窗網與窗邊留有太多位置,無論幾堅固,主子都有可能從而穿過🙆🏼‍♀️。

🙅🏻‍♀️唔可以使用鐵線、膠帶,(貓貓喜歡玩鐵線,同時鐵線會逐漸鬆脫)、膠貼(同樣會隨著時間變弱),以及魔術貼的固定方法,實在太唔堅固啦😣。


想有效測試,你可以嘗試大力搖晃窗網,正常情況窗網應該唔會脫落,又或者產生任何罅隙。同時你既主子亦會協助測試安裝好既窗網🤣,亦即係平時係網上見到既「蜘蛛俠貓」。



空隙💁🏻‍♀️


對主子黎講,安全既窗花間距係1.5吋,網上說法眾多,有D話成貓唔可以超過1.5吋,有D就話成貓應該為2吋以下,幼貓應該為1.5吋以下,除咗防止主子穿過穿花跳出窗外之外,仲要防止主子頭卡在窗花上面。不過繼小編話就包哂窗既邊邊位最好🙆🏼‍♀️🤣



近年黎貓貓跳樓意外受傷或身亡報道中亦都實在太多😣,大多數提及既原因係冇安裝「貓網」「 貓窗網」。唔怕一萬只怕萬一,為保障貓貓們既貓生,做個負責任既奴才啊🙆🏼‍♀️❤️






19 views

Adopt, Don't buy

CAll Us Now

852.9833.5270

Store Locator

Stanley Plaza / Repulse Bay

  • Facebook
  • Instagram

Free Delivery

Over $600