Search
  • sales61246

「🐱飲食」貓咪零食有得揀!點選擇先食得健康🤔?

貓奴向主子示好通常係俾零食💁🏻見佢地食得開心就覺得好幸福,但又擔心零食唔健康,或怕食咗零食不吃正餐、挑嘴,除咗要注意口味上、份量上點樣俾之外,都會推薦選擇加工最少既原肉食物做零食最好,亦都可以選擇D特殊類型既貓零食,可以幫助主子補充營養架~~


體重控制:

如果你既主子比較重磅,可以搵翻低脂肪同低熱量既零食。如L-肉鹼(已被證明能增加動物脂肪燃燒,來源有牛肉、羊肉等動物紅肉)對減輕體重好有幫助。


例如:羊肉粒、凍乾一口牛仔粒、鴨肉乾、袋鼠肉乾等。

都係比較低脂同低熱量既純肉類零食黎,可以俾主子稍微有D香口野做獎勵又唔洗怕太肥啦🙆🏼‍♀️



減少炎症、舒緩關節:

如果你既主子因年老或者炎症而行動力降低,你可以提供含有薑黃素(具有抗氧化、抗發炎特性,可以降低膽固醇、改善關節炎、預防癌症,抗癌等功效)、軟骨素及氨基葡萄糖(促進正常關節功能,能抗炎,減少關節痛)既零食,可以邊享受邊吸收營養🙆🏼‍♀️


例如:澳洲薑黃牛肉餅、凍乾綠唇青囗、凍乾原條多春魚等。

多春魚含有豐富鈣質,幫助骨骼健康,綠唇青口則豐含如葡萄糖胺、軟骨素、獨有既青口素等等既健康營養成分以有效保護關節及消炎架。注意啦,只有凍乾方式去進食綠邊青口,才保留治療關節炎作用。持續食用對貓狗都好有效果!



皮膚、毛髪健康:

想主子有一身蓬鬆柔軟又亮麗既毛髮以及想預防皮膚乾燥,脫皮,粗糙,除咗日常基礎飲食要提優質動物性蛋白質外,零食方面都可以選擇如:omega 3、omega 6、肝臟、維生素A,E及D等等既小食當作備充,長期落黎皮膚毛髪就會越來越有光澤啦✨


例如:美毛凍乾三文魚塊、袋鼠肝、魚油等。

凍乾三文魚塊含豐富維生素A、B(全系列維生素B)、D,而且係omega 3極佳來源,可以滋潤狗貓毛髮和皮膚,仲能舒緩皮膚搔癢跟發炎;omega 6 可以預防皮膚乾燥、減少皮屑,保持肌膚水潤。而肝臟中既鋅、鐵可以避免毛髮脫落,維持毛髮健康;鞏固皮膚既保護力。


不過購買肝臟時請一定要注意來源,肝臟畢竟係動物既解毒器官,如果遇到養殖狀況唔好既,反而可能食咗之前累積既毒素。並且就算肝臟營養豐富,都要控制份量,過量反而可能造成維生素A中毒,導致缺鈣、肥胖等等架💁🏻



免疫系統:

每逢轉季體格比較冇咁強壯既貓咪,好容易感冒或者氣管有可能因天氣變化而有幾聲咳,要有健康既身體,除咗挑選有品質保證既貓糧作主餐(動物性蛋白質含量40%左右)外,仲需要不飽和脂肪酸、維生素及礦物質等等作額外補充令營養更豐富均行。


例如:補氣凍乾鱷魚扒、凍乾磷蝦。

鱷魚肉營養非常豐富,含大量蛋白質與氨基酸、不飽和脂肪酸、維生素等,但脂肪含量就非常之低,係非常滋補既一種食材;同時鱷魚亦含有一種優化核酸,對治療哮喘、咳嗽等方面有非常全面既功效。非常適合有氣管敏感及哮喘既貓咪同狗狗食用。而凍乾磷蝦含有EPA、DHA、大量甲殼素及蝦青素,將磷蝦加入恆常既主餐入面能強化免疫功能;降低膽固醇、血壓及血糖,仲可以預防糖尿病、腎病架💁🏻




雖然零食並非貓咪主食,但只要食落肚既野,家長們一定都要謹慎再謹慎,係買零食前記得睇清楚 1.成分 2.產地 3.無化學添加物 4.外包裝標示 但切記唔好將點心當成主食,以免營養不良或造成主子挑食,偶爾既鼓勵餵食,不但能令貓咪生活更有變化,仲能讓各位與毛孩感情變得更好喔。








31 views0 comments

Over $300

Free Delivery