Search
  • sales61246

「喵奴小知識🐱」領養貓咪指南,究竟成貓定小貓好?

開始前都要宣掦一下,請領養代替購買🙆🏻‍♀️拯救貓咪或幼貓可以話係一個非常溫暖人心既經歷,但請必須多加考慮再三地考慮,確保您可以為領養既毛孩提供最合適既屋企。畢竟毛孩係家人,選擇好容易但佢地亦係最容易被遺棄既一群,多多支持領養喔💁🏻

領養貓咪係現實同心理上都有幾個好處,原因有幾個:

  • 如果係去救援中心,工作人員通常會比較了解每隻貓既個性,可以協助你找到最適合自己既貓貓。

  • 收容所既貓通常都已經除蟲、有獸醫檢查過或者已完成絕育,而且會係領養回家前完成疫苗接種。 領養貓咪時,只須支付小額既領養費。

  • 收容所一定會評估你既生活方式,確保你有能力照顧貓咪既生活與需求,而且能夠回答你任何可能有既問題

  • 如果你領養既係成年貓,貓咪可能亦已經接受過居家訓練。


選小貓或成貓的各種考量因素:


幼貓

要飼養幼貓,主人要先考慮是否具備充足時間、環境與金錢,並且需要考驗自己既耐性,因為如果幼貓係社交、行為上既問題,主人需要立即作出反應來對小貓做出相對應既處置,以塑造小貓將來既性格與行為模式,總括黎講領養幼貓需要主人注入更多時間與精力,以下說明一下幼貓既特質與應注意既地方💁🏻:


1.異常可愛

貓BB既可愛、軟綿綿既程度,相信大家都好清楚🥰


2.契合主人既生活習慣

幼貓既生活作息、習慣、行為模式上就係一張白紙,主人可以依照自己既生活模式來教導貓咪令佢地可以配合自己既習慣,但就需要花相應既時間與耐心來訓練。


3.需要時間陪伴、訓練

貓BB有許多生活習慣需要教導,例如使用貓砂盆既方法、咬合力道大小、不能亂咬東西等等好多事情需要主人在旁邊扮演監督者、爸媽既角色先有辦法有效令貓B學習,而過程有可能會間接影響到貓咪長大後既行為模式。


4.日常、疾病護理負擔

因為貓B身體較為脆弱,比較容易需要頻繁去睇獸醫檢查,如果注意、關心唔夠或工作較繁忙其實都會可能耽誤貓B治療既時間,再加上獸醫費用都唔係一筆小開銷,所以主人領養幼貓前要多加考量喔。


5.保護幼貓安全

貓B精力旺盛係眾所皆知,幼貓可能會跑來跑去、亂咬亂抓,此時就有可能會撞跌東西、咬壞窗戶窗簾,或誤食異物例如拖鞋、細繩等,依D都係需要主人多加注意並且將可能危及幼貓既東西盡量遠離佢既生活環境,並需要花費更多心思陪伴幼貓,防止幼貓受傷。


成貓

飼養成貓,因為大多既行為模式與習慣已經由貓媽媽或者已經過前主人訓練,已經大抵上定型,所以個性、行為上會相對沈穩、鎮定,主人可以比較輕鬆、較冇壓力地與貓咪互動、玩耍,但若有與主人不合既習慣、行為模式,改變成貓則會需要較多時間與精力喔💁🏻


1.異常可愛

貓咪幾大都係好可愛🥰


2.個性明確

成貓個性、處事上,各項認知大略上已經定型,相處上主人可以比較清楚地感受到貓咪充滿魅力既個性與性格,主人係領養前就可以先觀察並領養與自己個性相符既貓咪喔。


3.狀況穩定

成貓若有充分陪伴、好既飲食習慣,通常需要看獸醫檢查身體既次數並不會太多,主人若是工作繁忙,成貓都傾向可以一個人在家好好享受一隻貓既時間,花費係貓咪身,上既時間主人較能夠控制與掌握,以配合自身之生活型態。


4.行為模式

但係成貓若有不好既習慣與行為,主人都係需要花費時間與精力獎勵、訓練貓咪令佢變換相處、行為模式,貓咪其實與人一樣養成習慣比改變仲容易,所以係依種情況下主人可能會比較辛苦少少。


帶領養的貓回家須注意事項:


  • 首先俾貓咪留在一個房間裡,最好亦已安放貓砂盤,令貓咪能係安靜既環境下周圍探索。

  • 係貓咪適應周圍環境後,逐漸俾貓咪認識家中其他寵物。 貓咪適應期間,可以將新寵物同現有寵物既玩具或用品互相交換使用,以便他們習慣彼此氣味。

  • 請確保貓咪在家中安全:藏好任何有毒物質、塑膠袋、繩,並確保垃圾箱和廁所已蓋好。

  • 揾個信譽良好既獸醫診所,盡量安排新養貓咪係未接觸其他家中寵物之前及早接受身體檢查,以免散播傳染病菌。


一開始要養小貓定係成貓,可以先了解自己生活型態、作息、環境、經濟能力與時間充裕與否來決定,但要注意既係不論係養小貓定成貓,主人同貓咪間情感既建立並冇區分從小養到大就一定可以更加深厚,對任何年紀既貓咪,都能與主人建立親密既感情連結。最後,養寵物係一個承諾,係責任請領養前做好準備,千萬唔好見幾可愛幾得意就衝動下決定,分清楚只係鐘意與寵物玩定係願意花時間去照顧一個小生命💁🏻

48 views0 comments

Adopt, Don't buy

CAll Us Now

852.9833.5270

Store Locator

Stanley Plaza / Repulse Bay

  • Facebook
  • Instagram

Free Delivery

Over $600